Schepenakte - itemeen mud rogs erfpachts dat wilen die voirs. Arnt der voirgs. kynder auder vader was geldende hadde aen Arnt van der Egelmeer itemIX loepen rogs erfpachts die die voirs. wilen Arnt haer vader was geldende hadde uit een stuc lants in die meyenstraet tot Hdelmont dat Wautgers van Gasselt plach te wesen itemeen stuc lants after den meije gelegen dat Arnts Hollanders te wesen plach itemeen houtwas metten gronde dat sij tot Milheze liggende hebben itemeen stuxken lants tot Stiphout gelegen dat wilen Matheeus van Stiphout plach te wesen Ende Uman als momboir sijns wijfs sal erflic hebben voir sijn gedeelt al alsulken hafelic have ende schout metten schaeren opten voirs. lande staende alse die voirs. wilen Arnt Matheeus soen van Stiphout after gelaten heeft mer dair aff sal Uman voirs. weder betalen alsulken schout als Arnt sijn sweer voirs. sculdich bleven is - itemnoch sal Uman hebben alsulken renke (?) alse inder prochie van MIerle liggende hebben dat Goyen Neze ... ich Gelyc allen dese voirgs. erfenissen erfpacht schout ende have den voirs. Arnde ende Hillen sijnen wijve toe te behoren plaghen ende den voirs. kynderen dair aff toekomen ende verstorven is als sij seiden, ende vertegen elc op des anders gedeelt gelovende dese erfdeylinge ende allen saken voirs. ewelic etc. ende Arnt ende Peter voirs. hebben geloeft op hen ende op al haer goet dat sij Theeuken hoeren brueder ende Hilleken hoer zuster noch onmundich wesende alsoe goet hebben sullen dat sij dese erfdeylinge ende allen saken voirs. ewelic etc. als sij tot hoeren mundigen dagen komen sullen sijn, voert oest vorwerde tusschen die voirgs. kynder dat elc van hen sculdich sal sijn erflic te gelden ende te betalen uit sijnen gedeelt al alsulkenen gewoenliken onraet alse wilen die voirs. Arnt Matheeus soen was van Stiphout dair erflic uit sculdich was te gelden ende oft namaels enich ongewoenlic kommer op ennich der gedeelten voirs. vanden worde dat sij dien gelyc verbueten ende betalen sullen